Fólk við hesar strendur
gloyma klokkutíð.
Tá sól á himli stendur
hægstu summartíð. 

Børn í hesum landi
gloyma tíð og stað.
Spæla frítt á sandi                     
og millum húsa glað.

Jørðin hon melur
um sólina á ferð.
Tað er best í Føroyum,
tá sól og summar er. 

Liva nú í løtuni
gloyma songartíð.
Barnaspøl á gøtuni,
í haganum og líð. 

Túsund smíl vit fáa,
Hvar bleiv tíðin av?
Í vøkrum sólarroða
fer dagurin í kav.

Jørðin hon melur
um sólina á ferð.
Tað er best í Føroyum,
tá sól og summar er.