Í morgun var ársins fyrsti dansidagur í byrjanardeildini. Vit kvóðu Veturin kom við kulda og kava, Burtur á heiði, Øskudólgur og Sópingarkonan, Eg kendi mær ein ríkmann og Santa Simeon. Næmingar syngja væl við og venja seg við stevini.

Í tíðini fram til føstulávint verður farið upp á gólv í skúlanum umleið eina ferð um vikuna. Tvær ferðir kvøða báðar deildirnar saman - 12. februar fara næmingarnir í miðdeildini til Leirvíkar at kvøða, og 27. februar fara næmingarnir í byrjanardeildini til Gøtu at kvøða. 

Dansitíðin endar føstulávintsmánadag tann 4. mars, tá ið foreldur og onnur avvarandi eru vælkomin í skúlan at kvøða saman við børnunum. Nærri kunning um hetta kemur seinni.