Lesiátak í miðdeildini
30.11.2021
Lesiátakið, sum hevur verið í miðdeildini tær seinastu tríggjar vikurnar, er nú at enda komið. Nógvar bøkur eru lisnar hesa tíðina, og tað vísa varðarnir, sum børnini hava gjørt.
Hvør flokkur hevur gjørt ein varða úr endurnýtslu lutum, sum umboðar allar bøkurnar, sum næmingarnir í tí ávísa flokkinum hava lisið hesa tíðina. Harumframt hava allir næmingar í miðdeildini klipt ein ring út fyri hvørja bók, tey hava lisið, og síðan eru allir ringarnir hongdir upp á veggin í gongini, og ímynda teir ein felagsvarða.