Evnisdagar: Reint umhvørvi
Miðdeild 23.05.2018
Til foreldur og næmingar í miðdeildini
Í komandi viku, 28. 29. og 30. mai, fara næmingarnir í miðdeildini í Gøtu at arbeiða við høvuðsevninum ”Reint umhvørvi”. Eitt av undir-evnunum verður um plast, og í hesum sambandi vilja vit heita á tykkum um at savna alt plastið, sum verður brúkt heima, fríggjadagin, leygardagin og sunnudagin. Mánamorgunin 28. mai taka næmingarnir so alt plastið við í skúla.
Endamálið er, at næmingarnir skulu síggja mongdina av plasti, sum eitt húsarhald brúkar í 3 dagar. Næmingarnir fara eisini at skilja tað. Umráðandi er, at alt plastið er reint, tað vil siga, at um t.d. matleivdir eru á, so at skola tað.
Vit lærarar gleða okkum til 3 spennandi evnisdagar og ynskja tykkum eitt gott innsavningarvikuskifti. :-)
Vinarliga Sædis, Anna og Karin