Fløskupostur funnin í Noregi
Byrjanardeild 05.09.2018
Tá ið næmingarnir, sum nú ganga í 2. flokki, gingu í Skúlaspíranum, sendu teir nakrar fløskupostar avstað úr Leirvík. Nú, tvey ár seinni, er ein av hesum funnin á Tarva uttan fyri Bjugn í Noregi.
Familjan, sum fann postin, skrivar, at tey komu fram á hann tann 9. august, tá ið tey spákaðu í fjøruni á Tarva, har tey hava summarhús. Tey hildu tað vera sera stuttligt at finna ein fløskupost við einari fittari tekning í og hava fregnast eftir at fáa meira at vita um flokkin og um Føroyar.