Hví ganga øll og gleða seg
og hava loyndarmál?
Hví lýsa kertur í vindeygum
og spent er barna-sál?
Hví eru einglar í stovunum
og hjørtur, vakurt grann?
Og børn syngja hátt um jólini
um frið og jólamann?

Tað eru jól, tað eru jól.
Tað eru jól, tað eru jólatíð.
Tað eru jól, tað eru jól.
Tað eru jól, í bygd og bý

Hví fara øll til jólahald
til fest og nissu-gleim?
Og jólamenn við posa ganga
ímillum hús og heim?
Í myrkri bleiktra stjørnurnar
hoyr reinan gentu-song.
Og vísmenn bera gávurnar
til undurfullan drong

Tað eru jól, tað eru jól.
Tað eru jól, tað eru jólatíð.
Tað eru jól, tað eru jól.
Tað eru jól, í bygd og bý

Hví eru fólk so vinablíð
so gávumild og fró?
Og móti hvørjum øðrum kappast
um at vera góð?
Senda brøv og heilsanir
og lata heimin í?
Føgur orð um jólini
og eydnuríka tíð.

Tað eru jól, tað eru jól.
Tað eru jól, tað eru jólatíð.
Tað eru jól, tað eru jól.
Tað eru jól, í bygd og bý