Renningardagur í innskúlingini 2025

Renningardagur í góðveðri! Veðrið vísti seg frá síni bestu síðu, tá næmingarnir í innskúlingini fóru á árliga renningardagin.

Dagurin byrjaði við upphiting í miðhøllini, har bæði næmingar og lærarar vóru við. Eftir hetta varð runnið úti í góðveðrinum, og øll gjørdu sítt besta – bæði tey smáu og tey størri.

Aftaná ein aktivan og stuttligan renningardag, endaði dagurin við eini deiligari løtu í svimjihylinum, har næmingarnir fingu møguleika at slappa av og hugna sær.

Næmingar úr "Spæliliðnum" úr Skúlanum við Gøtugjógv hjálpti til hesa løtuna. Gott er við góðari hjálp ein dag sum henda, tá øll innskúlingin fer úr skúlanum runt brekkurnar og omanaftur. Vit takka teimum fyri teirra íkast.