Kunning viðvíkjandi viku 12, 13 og 14
Nú skúlin er stongdur, arbeiða starvsfólk skúlans heimanífrá, og tað gera næmingarnir eisini, í tann mun tað letur seg gera. Tí fara lærarar at leggja ymiskar uppgávur og lektiur á heimasetningarnar hjá flokkunum. Hetta so at tað ber til at vera heima og kortini fáa nakað fakligt burturúr.
Vit í leiðsluni fara tí staðiliga at heita á tykkum um at fylgja teimum boðum, ið løgd verða út. Um tit hava spurningar um skúlaviðuskifti og heimaarbeiði, so eru tit vælkomin at ringja til starvsfólkini á skúlanum gerandisdagar millum kl. 10-12. Telefonnummur hjá starvsfólkum skúlans finna tit her á heimasíðuni.
Samstundis vilja vit eisini heita á tykkum um at kunna flokslæraran, um so er, at onkur í tykkara húski gerst sjúkur av Covid-19, so vit fáa fyrihildið okkum til hetta, um tað gerst neyðugt.
Um tit hava spurningar um heilsuviðurskifti, so eru tit vælkomin at ringja til heilsufrøðingin, Ingu Símunardóttir á tel. 562375 gerandisdagar millum kl. 10-12.
Vinarliga
Leiðslan
Atli F. Johansen, skúlastjóri 730070
Birgit Frederiksberg, deildarleiðari 730060