Handaðu kekk til Reyða Kross
04.04.2022
Í dag handaðu næmingar í 6.a í skúlanum í Eysturkommunu ein kekk til hjálpararbeiði hjá Reyða Krossi í Ukraina á 16.238,50 kr. Hesin peningur er úrslit av innsavningartiltakinum, sum flokkurin skipaði fyri, tá tey seldu pitsasniglar, pylsubreyð og toast.
Per Jacobsen frá Reyða Krossi var á skúlanum og tók ímóti kekkinum. Hann greiddi næmingunum frá hjálpararbeiðinum hjá Reyða Krossi, og hvar peningurin verður nýttur. Hann takkaði hjartaliga fyri stuðulin hjá næmingunum.