Hósdagin 18. august var fyrsti skúladagur hjá teimum 32 fittu, nýggju børnunum í Skúlaspíranum. Tey møttu sera spent og væl uppløgd saman við foreldrunum; við flottum og litríkum skúlataskum og nógv í fínari, heimabundnari troyggju.

Í floksstovunum var sálmurin "Gakk tú tryggur" sungin, sum siður er, og børnini fingu okkurt gott at koyra í skúlataskuna, umframt at okkurt søtt og leskiligt var til børn og vaksin.

Á tímatalvurni hjá Skúlaspíranum eru m.a. málmenning, talfatan, handaligt, svimjing og ein útidagur, og hvønn dag er spæliløta á skránni.

Vit gleða okkum til skúlaárið og ynskja nýggju spírunum hjartaliga vælkomnum.