Elin á Rógvi vitjaði í 2. flokki, í sambandi við at næmingarnir hava lisið bókina: Og mamma!

Næmingarnir høvdu nógvar spurningar til Elina. Eisini skipaði Elin fyri eini spurnarkapping, við spurningum úr bókini.

Stuttligt var at síggja fittu húsini, ið næmingarnir hava gjørt, ið lýsa teir ymisku kapittlarnar í bókini: Og mamma!

Um rithøvundavitjanina
Elin er barnabókarithøvundur. Hon hevur skrivað fleiri barnabøkur til børn í ymsum aldri og gav í 2023 út krimibókina Flytifuglar, sum er til størri børn.

Vit takka Føroyar Lesa og Rithøvundafelagi Føroya fyri henda møguleika. Rithøvundavitjanin er liður í at skapa lesigleði millum næmingarnar, og er samstarv millum Føroyar Lesa og Rithøvundafelag Føroya.