Í gjár og í dag hevur miðdeildin verið úti og siglt við snotiliga Finni Fríða. Arni og fleiri av manningini tóku væl ímóti næmingunum saman við kokkinum, ið bjóðaði reyðar pylsur og breyð, ís, bomm og sunnkist í messuni, og so varð loyst frá landi.  
Manningin vísti runt á skipinum, og vitjaðu næmingarnir brúnna, har børn sum vaksin royndu seg sum skiparar, og stýrdu skútuni. Eisini royndu tey floytuna umborð, ímeðan siglt varð millum Kollafjørð og Morskranes. Eisini varð vitjað m.a. niðri í maskinrúminum og í fitness-rúminum. Næmingarnir vóru samdir um at hetta var ein góður túrur og tey høvdu ongan skund at koma í land aftur, og tosaðu fleiri teirra um at fara at royna sjólívið, tá tey verða eldri :)