Vár Harra Jesus í tí nátt - 182

182
Vár Harra Jesus í tí nátt,
tá hann av sínum svikin
við kvølum toldi syndamátt,
av syndarhondum tikin,

2. seg sjálvan gav sum lívsins breyð
og vín, sum sáttir gjørdi,
tá okkar egna syndaneyð
til kross og grøv hann førdi.

3. Tí eru á hans borði kveikt
tey ljós, sum vit nú skoða,
tey vitna um alt dimt og veikt,
sum okkara umboðar.

4. Hjá okkum valdar myrkurs kós,
hon leiðir norð og niður;
bert her, ja, einans her er ljós,
hvar Krist við okkum biður.

K.L. Aastrup 1941. S.A. Weihe 1972.
Lag: sum Sl. 159.
Aftur