200
Hin sterki Krist sleit deyðans bond,
og drekin vunnin var,
tey farnu heim til lívsins lond
hann leiddi blítt við sær.

2. Og deyðans valdi bjargað frá
teim einans Jesus fekk,
hans frelsti herur fylgja má
tí veg, hann sjálvur gekk.

3. Tí syngjum hátt hans prís, hans rós,
til fold vit fara frá,
heim til sítt fagra himmalljós
hann tekur okkum tá.

4. Tær veri tøkk, Guð faðir mín,
og so tær Jesus Krist
og Halgi Andin, sum til tín
vár Guð oss leiðir vist.

Fulbert úr Chartres uml. 1000.
J.R. Campbell. Mikkjal á Ryggi.
Lag: Sl. 146 ella sum Sl. 301.