202
Rísur sólin páskamorgun,
eingil stár við gravargátt,
lætt er nú av beiskum sorgum,
deyðin hevur mist sín mátt!
Jesus livir, grøvin brast,
Satans vald' hann hevur bast!
 
2. Rísur sól í hjørtum várum,
lívsins sigur Jesus vann,
frelsti oss frá syndum svárum,
tá hans blóð á krossi rann.
Takkarljóð mót himni fer,
paradísið opið er.
 
3. Rísur sól á páskadegi,
ljómar yvir Golgata,
krossur vendur varð til gleði,
syng tí, sál, halleluja!
Jesus fái lov, at hann
lívið oss um ævir vann.
 
J. Nolsøe.
Lag: Sl. 282.