645
For Harrans orð, ið sum ein sól
við lív’ og ljós’ kann skyggja,
til prædiku vit reistu stól,
og lótu kirkju byggja.
Við doypifunt og altarborð,
um skip og kór títt halga orð,
vár Guð, vit lata ljóða.

2. Tú sjálvur bygdi himnasal,
um jarðarkringin stendur.
Lat hesa smiðju roynast væl
til tínar meistarhendur.
Við orð’ og anda bygg uppí,
so kirkjan her um alla tíð
kann troyttum sálum hýsa.

3. Vit biðja tí: “Vár Guð, bygg við,
so andi tín her ræður.”
Tá kenna vit her sælan frið,
og halgur verður staður.
Hvørt kirkjuár, hvønn Harrans dag,
vælsignað koma, fara glað,
við Harrans orð’ á vørrum.