663
Deyðin tekur ,deyðin rívur
undan okkum eydnugrund
áðrenn troyttur ert av lívi,
svevur tú hin langa blund.

2. Troystin lítil, høpisleyst tá
lívið ofta tykjast kann.
Lít tú bert á Harrans náði,
hjálpa tá kann einans hann.

3. Leiða upp úr deyðans myrkri,
birta ljós, har fyrr var svart.
einans Harrin eigur styrki,
hansar lyfti lýsa bjart.

4. Harrin gevur, Harrin tekur,
lovað veri Harrans navn,
upp úr blundi hann teg vekur,
eymt teg tekur í sín favn.