694
Nú strýkur vár um heimlandsvøll
við lýkkutámi millum fjøll;
nú fánar fonn, og grasið grør,
nú vaknar aftur heimlandsjørð.

2. Hoyr vestanlot og veingjasús
og vakurt flytifuglabrús,
nú tjaldur, lógv við lát og gleim,
úr suðurlondum koma heim.

3. Og vársins fuglaparadís
við frøi syngur Harrans prís
og lovar lívsins Guði hátt,
hvørs skaparverk er ævigt gott.

4. Eg við vil syngja gleðisong
sum fuglur yvir vársins ong
og takka Guði manga ferð,
mær loyvi gav at liva her.