1. Mín skapari er stórur og fylgir míni ferð,
tá morgunroðin litar land og líðir.
Í fjallarøðum reyðum mín hirði góður er,
tá várløtur lívga nýggjar tíðir. 

2. Mín skapari er stórur og fylgir míni ferð,
tá sólarhitin vermir grønar gøtur.
Á fjallaferðum fjarum mín hirði góður er,
tá ljóst er, og ríkar eru løtur.

3. Mín skapari er stórur og fylgir míni ferð,
tá fjallamjørkin fjalir fótafestið.
Í skuggadølum dimmum mín hirði góður er,
tá sýnið er ivasamt um heystið. 

4. Mín skapari er stórur og fylgir míni ferð,
tá ervakuldin hvíttar fjallarendur.
Í kavabrekkum brøttum mín hirði góður er,
í myrkri hann nemur mínar hendur. 

5. Í Harrans hond eg eri ei sleptur upp á fjall,
tá lívsins stormar hótta mínar leiðir.
Í veðurvánum øllum hann fyrigav mítt fall,
mín hirði og skapari meg eigur.

Signar á Reynatrøð 04.10.23