Altjóða lesidagur

8. sept. er altjóða lesidagur. í 1965 útnevndi ST hendan dagin at vera altjóða lesidag. Dagurin varð fyrstu ferð hildin í 1966. Endamálið við degnum er at varpa ljós á týdningin, ið lesing hevur fyri okkum sum einstaklinar, fyri felagsskapin okkara millum og fyri samfelagið.

Í dag høvdu næmingar og lærarar í miðdeildini eina lesiløtu saman í fimleikahøllini. Øll savnaðust í fimleikahøllini eftir morgunsangin, har madrassur vóru lagdar út á gólvið, so næmingarnir kundu sita bleytt og lesa í 15 min. Løtan endaðist stak væl.