Fótbóltskort
Tað er deiligt at vera saman við tykkara børnum aftur. Umstøðurnar, nú vit eru saman aftur, eru sermerktar í hesum koronutíðum, og í skúlanum royna vit at skipa okkum sum best og fylgja tilmælunum. Í hesum sambandi mugu vit vísa á, at vit ikki eru heilt trygg við fótbóltskortini, sum børnini býta ímillum sín, og tí fara vit at heita á tykkum um at tosa við tykkara børn um, ikki at hava kortini við í skúla. Annars er gott, um tit regluliga tosa við børnini um, hvussu ein best verjir seg og onnur ímóti smittu.
Tey yvirskipaðu ráðini til øll:
- Um tú ert frískur – ansa eftir tær sjálvum til tess at verja teg og onnur.
- Fylg ráðunum um at vaska hendur og nýta handspritt.
- Um tú hostar ella hevur eitt sindur av fepri ella krími – ver heima, inntil tú ert frísk/ur aftur.
- Halt frástøðu – og kom ikki í samband við onnur, sum ikki eru í tínum flokki.
- Hosta og njós í ermuna – ikki í hondina.
Vit skulu eisini kunna tykkum um, at nú fer umbygging fram inni í skúlanum við Gøtugjógv, og økið uttanfyri er eisini merkt av hesum.
Eru tit í iva um eitthvørt, eru tit vælkomin at tosa við flokslæraran ella onnur starvsfólk.
Vinarliga
Leiðslan