Fastalávintshald skúlans verður komandi mánadag 3. mars

Byrjanardeildin í Leirvík

Næmingarnir møta vanliga tíð í vanligum klæðum. Tey kunnu hava grýluklæði við. Næmingar skulu hava matpakkar við, sum vanligt.

Kl. 9-9.40 verður farið upp á gólv, og tá eru foreldur og avvarðani vælkomin at dansa við, um tey hava eina fríløtu. 
Frá kl. 9.40 til 10.00 bjóðar skúlin gestunum ein kaffimunn, meðan næmingarnir eru úti í fríkorter.

Tá næmingarnir hava skift í grýluklæði, fara tey at sláa tunnu.

Miðdeildin í Gøtu

Næmingarnir í miðdeildini møta grýluklæddir kl. 8.00. Dagurin byrjar við morgunsangi, síðani verður hugnalig sangløta.

Eftir sangløtuna fara vit at sláa tunnur.

Umleið kl. 10.15 verður farið upp á gólv, og tá eru foreldur og avvarðani vælkomin at dansa við, um tey hava eina fríløtu.  Aftaná verður ein drekkamunnur við onkrum góðum afturvið.

Skúladagurin er liðugur kl. 11.30.