Hesi størv verða lýst leys at seta skúlaárið 2024/2025:

• 1 fast lærarastarv 
• 2 tíðaravmarkað lærarastørv, vegna forskúla.
• 2 tíðaravmarkað lærarastørv, vegna farloyvi, lækkað tímatal, avlopstímar.

Setanarbrotini eru uml 1,0 og tvey á uml. 0,7 og eitt við setanarbroti 0,6. Endaligt tímatal verður ásett eftir 15. september.

Søkt verður eftir lærarum, sum

• undir ábyrgd leiðslunnar og í samstarvi við starvsfólk skúlans skulu undirvísa og taka lut í dagliga arbeiði skúlans 
• duga at samstarva og eru fyrikomandi
• eru fúsir at taka á seg tær uppgávur, sum eru í skúlanum 

Vit vænta, at tú

• ert fyrikomandi, umhyggin og engasjerað/ur 
• ert stundislig/ur og nærlagd/ur 
• ert virkisfús/ur og hugað/ur fyri toymissamstarvi 
• vilt vera við til at menna eftirmetingar 
• hevur góðan KT-førleika 
• kanst virka sum flokslærari 
• hevur kunnleika innan sernámsfrøði 
• kann vera ein týðandi partur av toyminum, rundan um ein móttøku flokk 
  í samstarvi við leiðsluna og starvsfelagar vilt vera við til áhaldandi at menna skúlan
• kanst virka bæði í innskúling og miðdeild 

Harumframt skulu lærararnir hava førleika at undirvísa í nøkrum av hesum lærugreinum: føroyskum, donskum, náttúrulærugreinum, støddfrøði, tónleiki, føroyskt sum annaðmál og ítrótti/svimjing. Okkum tørvar lærarar, ið kunnu undirvísa bæði í innskúling og miðdeild.

Førleikakrøv

• læraraútbúgving og linjulestur í onkrari av nevndu lærugreinum 
• royndir í føroyska fólkaskúlanum
• læraralesandi, sum taka prógv í summar, kunnu eisini søkja størvini 

Barnaváttan verður kravd í samband við setanina.

Lønar- og setanartreytir:

Lærararnir verða løntir sambært avtalu millum Fíggjarmálaráðið og Føroya Lærarafelag í lønarflokkunum 18.1 – 29.2 og verða sett sum sáttmálasett størv, uttan so, at tann, sum settur verður, er tænastumannasettur lærari frammanundan. Tey, ið sett verða, eiga at tola broytingar í starvinum. Størvini eru treytað av, at tímajáttanin heldur.

Umsóknir

Umsóknir við c.v., avriti av prógvum og møguligum viðmælum skulu sendast við telduposti til sey@skulin.fo
 
Umsóknarfreist: 16. juni 2024 kl. 24.00.

Nærri upplýsingar um størvini fáast við at venda sær til Atla F. Johansen, skúlastjóra á telefon 730070.

Skúlin í Eysturkommunu er í Leirvík: innskúling, 0. – 3. flokkur, og í Gøtu: miðdeild, 4. – 7. flokkur. Í skúlanum eru áleið 280 næmingar við forskúla. 23 lærarar, 2 námsfrøðingar og 4 námsfrøðiligir stuðlar.  Tú kanst lesa meira um skúlan á heimasíðuni www.skeyk.fo.