Góðu foreldur/avvarðandi

Greinin niðanfyri varð løgd út í septembur 2023, og eru vit sera fegin um, at telefonpolitikkurin er settur í verk, men vilja við hesum minna á telefonpolitikk skúlans.

Vit vilja serliga undirstrika, at:
Ein sløkt knappatelefon kann liggja í taskuni, eftir avtalu við flokslæraran.


Telefonpolitkkur skúlans

Vísandi til skíggjaráð frá Fólkaheilsuráðnum hevur skúlastýrið saman við námsfrøðiliga ráðnum ynski um, at Skúlin í Eysturkommunu er ein telefonfríur skúli. Tí er hesin telefonpolitikkur orðaður:

Skúlin í Eysturkommunu hevur ynski um ein telefonfrían skúla.
Næmingar hava ikki snildtelefon við í skúla.
Um tørvur er á at hava telefon við, mæla vit til eina knappatelefon, sum liggur sløkt í skúlataskuni.
Í samráð við flokslæraran kann ein slík telefon loyvast.
Um snildtelefon er við, skal hon vera óvirkin í skúlatíð.
Hevur næmingur tørv á at ringja, kann hann venda sær til lærara ella skrivstovuna.
Við serligum umstøðum (t.d. sjúku) kunnu undantøk gerast í samráð við flokslæraran.
Brota reglurnar verða fylgdar upp soleiðis:

Telefonin verður tikin og latin læraranum, sum leggur hana á skrivstovuna.
Foreldur verða kunnað.
Telefonin verður heintað aftur á skrivstovuni (kl. 08.00–12.00).
Um neyðugt kunnu serligar avtalu gerast við flokslæraran ella leiðsluna.